「關繫‧舍」於 7 – 12 月,每個月會舉行一場家長性教育講座,由我哋中心嘅專業同工為家長們分享多元化嘅資訊,期待大家嘅參與!

2023年11月份《性在起跑線 – 如何與幼兒談性》

「點解哥哥有小雞雞/啫啫,我冇嘅?」

「點解妹妹坐响度🚽 Vi Vi,我企响度嘅?」

「點解媽咪有胸部,我冇嘅?」

「點解爸爸依度咁多毛毛,我又冇嘅?」

「錫錫係咪會有 BB 👶🏻架?」…

 

當小朋友開始對自己同其他人嘅身體產生好奇🤔,就會問以上嘅問題❓相信作為家長嘅你都會遇過。當面對呢個敏感卻重要嘅性教育話題,好多家長都不免會感到尷尬、支吾以對、避重就輕咁回答🥴。但係,幫孩子建立正確嘅性知識與觀念,係非常重要嘅環節,但同孩子們談性真係咁困難嗎?

 

如果你想知…性教育應該响咩時候開始最為合適?究竟父母要點同孩子們談及性教育,先可以讓孩子正確了解性?歡迎參與 11月份嘅家長性教育講座,資深社工 – 黃雅芳姑娘將會同大家探討「如何與幼兒談性?」呢個課題。

 

既然避唔到,倒不如正面迎擊,用健康嘅心態俾孩子正確嘅性教育啦!

 

主題:「性」在起跑線 – 如何與幼兒談性
日期:2023年11月26日 (日)
時間:下午3:30 -下午5:30
地點:關繫‧舍
講者:黃雅芳姑娘 (資深社工及香港性教育、研究及治療專業協會認可性治療師)
對象:幼兒家長 / 有興趣人士
費用:自由捐獻
報名:bit.ly/3RF1HV7

過往講座

11月《性在起跑線》
10月《支撐孩子度過青春風暴》
9月《青春期‧知多少》
8月《繪本談性 ‧ 不尷尬》
7月《陪伴孩子修煉愛情》